|
|
|
|
اعتذار اوچون بیر بهانه ... افغانستان ملی اسلامی جنبشی نینگ اوچینجی قوریلتایی کابل شهری ده یغیلیشتی آز- کوب بیر ییل دن بیری جنبش کنگره سی بوله دی دیب هر طرف گه سوز لر بار ایدی ، حقیقت ده هم ، جنبش نینگ اوچینجی قوریلتایی نی حاضر لیک کورماغ اوچون دموکراتیک بیر شکل ده سیله نگن بیر کمیته هم دواملی بیر شکل ده ، کیچه – کندوز دیمس دن تلاش قیلیب یوگورگن ایدی لر. الله تعالی گه شکر لر بولسین ! ملتمیز نینگ حیاتی ده ینه بیر ینگی صفحه آچیلدی . مین هم شو قوریلتای حاضر لیک کمسیونینده ، ایش گروپی نینگ بیر کیچیک عضوی صفتیده قووانه من وفخر لنه من که مونداغ بیر تاریخی حرکت بیلن بیرگه ، بیرگوشه سینده ، ملیون لرچه کوره شچن و مبارز ییگت لربیلن قوشولوب اوز بار لیگیم نی بیلدیره من . مین میمنه شهری نینگ آلتنچی ناحیه سیندن ، قوطور قشلاقیندن قوریلتای گه نماینده بولوب سیله نگن ایدیم . شور بختیم دن حرمتلی آنم راحتسیز و آغیر کسل بولوب قالدی لر ، شو حد گه چه که افغانستان ده علاج لری آغیر وقیین بولوب قالدی و مجبور بولوب ترکیه ده عملیات قیلدیک خدا گه شکر حال لری یخشی بوسوز لر دن ، مقصدیم شوکه قوریلتای کونی ده ، سیز لربیلن بیر لیکده ، او هیجان و سیونچ نی یشه المه دیم وموندن جوده کته قیغولندیم .
منه شو وسیله بیلن ، کوره ش ارقه داش لریم دن عذر تیلیمن ؛ البته که مینی بو بیچاره لیگیم نی خدای ناخواسته ، بی احساس لیک گه حمل قیلمس لر. شو فرصت دن فایده لنیب ، اولاً بار جناب الحاج ستر جنرال عبدالرشید دوستم گه ، که حیات لری نی اینگ قیمت لی پیت لری نی ، مونداغ بیر حرکت نی باشلنشی گه صرف قیلگن لر ، بو قوریلتای نی سرفراز لیک بیلن باشلنیب بیتیشی نی تبریک ایتیب ، همه ملتیمیز قوتلوغ بولیشی نی آرزو ایته من . ایکنچی دن جناب سید نورالله آغا گه که دموکراتیک بیر یول بیلن بیز نینگ بو بویوک و هنگامه لیک کاروانیمیز نینگ باشی گه کیچیب دیلر، اولرگه الله تعالی دن بیوک بشره لر ، صبر ، استقامت و ملتمیز گه یره شیتیگان مقاومت آرزو قلیب ، چین یوره گ دن اوز همکارلیک و حمایتیم نی ابراز قیله من . جناب منشی صاحب محمد اسمعیل و ذکی صاحب ، کارگر صاحب ، ساعی صاحب ، جنرالصاحب جوره بیگ خان و سید حیدر آغا ایش گروپی نینگ فداکار و ایثار گر ارقه داشلریم ، که بیر ییل دن بیری کیچه – کندوز دیمس دن هر تورلی قیینچلیک لرگه چیده ب ،حتی امکانیت سیزلیک حال لرده طاقت قیلیب ، مونداغ بیر بیوک و تاریخی وظیفه نی بیجر گن لری اوچون مینگ لرچه تهنیت و شاد باش ایته من . ذاتا اولر اوچون بو اینگ کته جایزه و هدیه دیر . شوندی قیلیب جنبش نینگ اجرائیه و مرکزی شورا یاردمچی لری ، ولایت لرده کی کمسیون لر و شورا لر رئیس و اعضا لری و همه دن کوپ راغ بیرنچی صف ده جنبش نینگ حیثیتی دن جانباز لیک بیلن دفاع قیلیب تورگن یاش لری میزو یاش لر جنبشی نینگ رهبریتی باش ده سلیمی صاحب و ارقه داشلری ، خاتون قیزلر شوراسی نینگ رهبریتی و بوتون اعضالری ، خلاصه قیلیب ایتگنده جنبش گه تعلقیت حس قیلگن بوتون ملیونلرچه وطنداش لریم گه یاش – قرری ، ایرکک – خاتین دیمس دن همه او کشی لرگه که سیوگیزمیز گه شریک بوله آله دیلر چین کونگول دن قوتلوغ بولسین ایته من .
شو بهانه بیلن بیر نیچی آغیز سوز ، اوز فکر وتوشونجه لریم نی قوریلتای ، جنبش و کیله جگ توغری سیده ایتماغچی من ! عزیز دوست لر ! دنیا تاریخی بویی چه انسانی توپلوم لر حیات گه قالماق اوچون سواش بیریب ، مجادله قیلیب ، کوره شیب «حق» دیگن مقوله نی اورته گه چیقارگن لر ، بوتون تاریخ نینگ صفحه لری «حق » کلمه سی بیلن بشقه جمله لر ، پاراگراف لر و مقاله لر نی اورته گه چیقارگن :
- بیرار جنبش نینگ اوچ قوریلتایی هم ، اولکه میز نینگ یقیین تاریخی اوچون « حق » کلمه سی نی ایسله وتوچی سی بولیب کیلگن . بوکون لر اوتوب کیتر ، بیز لر آرمان لریمیز گه ایشته آله میز یا یاغ ، بیللی ایمس . اما تاریخ قاله دی . بو کوب مهم . اوشنداغ که بوکونیمیز – اوتگن کونلر گه باغلیغ ، ایرته میز نینگ سناریو سی نی هم بوکون یازه میز . مین بو قوریلتای نی منه بو باقیش دن کوب کته ارزش گه ایگه دیب توشونه من . - ینه بیر بشقه مهم نقطه شو کی ، بیز بو قوریلتای دن ، درس لر نی چیقاریب آلیشی میز کیره ک . آز بولسه هم ، افغانستان سیاسی حیاتی ده ، افغانستان ملی اسلامی جنبشی کته حادثه لرگه امضا قویدی . سونگ دور ده بولوب اوتگن اوچ کته ییغیلیشی میز ( قوریلتای) ، اوییر گه بولگن صحبت لر ، اوییر دن چیقن سندلر و فیصله لر ، افغانستان نینگ بوگون کی نظامی ده ، اوز ایزی نی کورسه تیب توروبدی . افغانستان نینگ بوکونکی سیاسی رژیمی ، اوزی دن اوزی شریف آدم لر بولمه گن . اوز لری شرافت قیلیب ، سلطنت ییری گه جهوریت کیتیرمه گن لر . اولر گه قالسه منه شو کون عبدالرحمن خان گور دن چیقیب ، سردار اسحاق خان ویا محمد گل مهمند ویا کمال خان اسحق زایی ومونگه اوخشش جمعه خان لری نی بادار قیلیب یوباره دیلر . اوشنداغ بولسه بو کون کیم دن قورقه دیلر؟ ، بیر اویغن گن شعور دن قورقه دیلر ، جوزجان نینگ قربان دیک شیر بچه قربانی لری دن قورقه دیلر ، بو ذهنیت دن قورقه دیلر. بو« حق خواه لیک » شعوری دن قورقه دیلر . بوسیاسی رژیم ، اوزی دن اوزی شریف بولیب ، وکیل لریمیزنی تعدادی نی کوپیتیرمه گن! فرمایش بیلن بولمه گن ! شاهی ، جمهوری قلابی داود شاهی ، دموکراتیک دیکتاتوری نجیب رژیم لری ده هم ، پارلمان ده کی افتضاح حکایه لر هیچ کیم نی ایسی دن چیقمه گن بولسه کیره ک ، عدالت سیز لیک لر آشکار ایدی .اوزی دن اوزی می شریف لش دی لر ، اگر بوکون شمال دن کیلگن وکیل لری میزنینگ سانی او زمان لرگه قره گنده کوپ راغ بولگن بولسه بوبیر سیاسی دعوا نی بار بولگنی نی نتیجه سی ایدی. بیز ایتمی میز که خطا میز یوق ایدی . انسان میز اخیر .... خطا بوله دی. اما سیاسی حزبی نینگ یوتوق لریندن هیچ کیم کوز یومالمه یدی . قوریلتای گه کیلگنده: بو قوریلتای ، افغانستان ده دموکراسی تاریخی نینگ اینگ پارلاق بیر نمونه سی صفتی گه اوزی خاص بیر صفحه آچدی و بو افتخار نی صاحبی ینه هم شو ملت .! دنیا ده « حق » مقوله سی کوپ یوقیش – چیقیش لر دن سونگره اوز ییری نی تاپیب آلگن ، دموکراسی هم حلوا ایمس که امریکا و یا انگلیس کیتریب اغیز لرگه سالسه. اولر اوز اولکه لری ده هم هنوز گه چه دموکراسی دن بیلی و مشخص بیر تعریف بیره المه گن لر . بیرنچی کنگره ده « فدرال » سیستمی دیگنی میز ده ، آز قالبیدی یورت دن چیقاریب اتسه لر، اما بوگون طالب لر اوزلری بیر شکل فدرال سیستم نی ایسته ماغ گه باشله گن. اوزمان تام قدرت گه صاحب بولگن تاجیک ایناغه لری میز ، فدرال سیستمی تجزیه طلب لیک دیب ، کفر گه معادل بیر نقطه ده کیتریب قویگن کیشی لر ، بوگون بیز لردن کوره کوپ راغ فیدرالیست بولگن لر. انشا الله بیرکون کیلرده افغانستان ده عملی بولر ده ؛ ینه هم بو دعوا صاحبی ایس لری دن چیقه دی . قدرت گه کیلگن لر، بوحاضرکی سیاسی رژیم نی هدیه سی دیب توشونه دیلر . اوشنداغ کی بیر قسم وکیل لری میز بوکون هم « مین اوز زوریم بیلن وکیل بولدیم » دیدیلر. اما ایس لری دن چیقه دی که بولرنی اوز زور لری بیلن پارلمان نی ایشیگی گه هم قویمس ایدی ، اگر آرقه لری گه بو اویغانگن ملت تورمه گن بولسه ایدی ... حکومت نی ایشیگی گه بیر پارچه استخوان گه زار بولوب یورگان لر ، اساسی قانون تسویدی زمانیده حکومتنی یانیده توروب ملتنی حقی گه ظلم قیلگن لرهم ، ملت طرفی دن « گویا» وکیل و نماینده بولگن لر ... خیر بولسین ! بیز هم شونی ایستی میز ! وکیل لیک سیز لر نی کی ! وزیر لیک هم سیز لرگه مبارک !و بشقه چوکی لرهم سیز لرگه یره شه دی ... چونکه سیز لر مستحق سیز! ایرته کون فدرال سیستمی ، ویا اینگ آز والی لر وولسوال لر سیله نیشی خلق طرف دن بولسه ، ینه سیز لر کاندیدی میز بوله سیز ! ینه سیزلرگه رای بیره میز ... آخر بشقه کیمی میز بار ... باریمز شو ... بیلماغیمیز به کار... اما خدا نی یوزی نی کورینگ ، ملت نی دعوا سی گه قرشی چیقمنگ ! دولتنی کیسه سی دن کورسه ت کن یشل پول لر گه الدنمنگ ! ملت سیز لر گه ایشانه دی . لیکن سیز لر ملت گه ایشانیگ ... ایککی کون لیک چوکی گه تیه نمنگ ، تیز یقیله دی ، ملتینگیز گه تیا نینگ ... منه بو باقیش دن قره سک ، بوقوریلتای ینه افغانستان ده ، «حق » مقوله سی و دموکراسی تاریخی اوچون بیر پارلاق نمونه بوله دی . جنبش نینگ ینگی توزوکی ( اساسنامه سی) و ایش پروگرامی ، افغانستان بار بوتون حزب لرگه کوره مدنی ، معاصر ، افغانستان سنتی توپلومی نی حساسیت لری نی دقت گه آلگن و جدی بیر آینده اوچون اساسی فکر تولید قیله یاتگن سند لر دیر. افغانستان نینگ جنوبنده ، اوروش و خشونت آیدیالوژی سی حاکمیت قیله یاتگن حالده ، سیز لر « ملی ، سیاسی ، و اداری » پروگرام تر تیب بیروب ، التر ناتیف نمونه تشکیل بیره سیز . بو مساله دنیا باقیشی دن ساده بیر مساله ایمس . دنیا بیر کون ده بیتمه یدی. بیر دانی نی اییکسنگیز هم بیر نیچی وقت دن سونره چیقه دی. ینه قوریلتای نی شکلی گه قره سک ، قوریلتای اعضا لری همه سی ، اینک ته ده کی قدمه لردن سیله نیب ، قوریلتای گه چه کیلگن ... بود بولگن ایش هم ، عمل ده ،حزب میز نینگ دموکراسی گه ایشانچی نی کورساته دی . بو حزب ده آرتیق ، اراده ، ملت نینگ قولیده ... موندن سونگره اداره چی لر، سیله گن لر قرشی سینده مسوولیت حس قیله دی ، ایرته سی کون دن قورقوب توره دی ... چونکه ارتیق بو بیر سیاسی فرهنگ گه تبدیل بوله دی . اینگ کته درس هم باشده کی لر اوچون و هم قوی ده کی لر اوچون بو بولسه کیره ک ... قوی ده کی موندن سونگره همشه عسکر بولوب اولماغ گه تیار تورگن آدم لر ایمس ... رای و فکر صاحب لری ...؛ باش ده کی لر ایسه ، موندن سونگره ، الله تعالی نی سایه سی ایمس ؛ که هر دیگن لری ، ایتگن دیگ بولسه ...؛ هر لحظه ملت نی محاسبه سی دن قورقوب مشوره بیلن تصمیم اله دی ... همه تصمیم لر سیاسی و آچیق بوله دی ... مرموز و یاشیره نچی ایش لر گه آرتیق ییر قالمه یدی ... شاید اگر انجام بیریلسه ، ایترسه کون سوره یاتگن تاپیلیب چیقه دی ...
بو درس لرنی اگر اوز ایچی ده تکرار ایتسه کوب طبیعی دیر که حکومت سطحی بوتون افغانستان ملتی اوچون نمونه بوله دیلر و بو افغانستان دموکراسی تاریخنده بیرنچی قدم لر صفتتیده درس لر گه باشلیغ بوله دی . عزیز دوست لر! البته که حزب میز نینگ مونداغ بیر آغیر شرایط ده کوپ کته پروبلیم لری بار . اما اگر همه میز بیر بولوب سیله نگن رهبری گه همکار بولسک ، یقین زمان ده یخشی نتیجه لر آله میز ! اگر هر بیریمز اوز دردیمیز گه توشوب ، فقط گینه اوزی میز نی توشونسک ، بیر بیری میز نی عیب له ماغ گه باشله سک ،ایککن لریمیز کیچ راغ ثمر بیره دی . بیر کیچیک ایناغه لریز صفتیده ، اوز فکر و توشونجه لریمنی بیان قیلدیم ، شاید بعضی ییر لرده حد دن اضافه آشیر گن بولسم آچیق ایتیشیم کیره ک ؛ هیچ بیر کیمسه نی مستقیم یا غیر مستقیم هدف توتمه گن من . خدای ناخواسته سوز لریم بیرار دوستم نی اینجیتر ایسه ، حاضر دن قیتیب آله من و او ذات دن معذرت سوره یمن . فقط گینه یوراکیم نی درد لری نی ، جنبشی لرگه ایتدیم ... جنبشی بولمه گن لر گه هم احترامیم کته . فکر و فرهنگ آزادلیگی جامعه میز نینگ کیله جگی گه ضامن بوله دی .
آخیر ده ینه بیر قتله افغانستان ملی اسلامی جنبشی نینگ اوچینجی قوریلتای نی همه لریز گه قوتلوغ بولگنی نی الله تعالی دن ایسته ی من . ومن الله التوفیق
همایون خیری 28جوزای 1387
انقره – ترکیه Tel; 0090 555 875 71 95 0090 312 211 2043 |
|
|
|