افغانستان ملی اسلامی جنبشی نینگ رهبری شمالی ولایتلرده گی فرهنگی شخصیتلر ایشینی بیرلشتیریش و فرهنگی لرگه تحقیق و ایجاد یره تیش زمینه سینی یره تیش اوچون "فرهنگی لر عالی شوراسی" توزیشیدن خبر بیرگن
اوشبو فرهنگی لر عالی شوراسی نینگ مرکزی اداره سی پایتخت کابل ده تشکیل تاپیب، شمالی ولایتلرده ایسه وکالتخانه لری تشکیل ایتیله دی
فرهنگی لر عالی شوراسینی توزه لیشیدن مقصد تیل، ادبیات، تاریخ و مدنیت بوییچه تحقیقات اوتکزه یاتکن محقق لر، یازوچیلر، شاعرلر و تاریخچیلرگه ایجاد یره تیش و ایجادلرینی چاپ ایتیب، قیزیقوچیلریگه ایتکزیشدیر. شو یوزدن پایتخت کابل ده بیر بویوک چاپخانه قوریلیب، برچه ایجادکارلرنینگ خدمتیگه قوییلیشی ایتیله دی. اونینگ یانیده موسیقه، صنعت، تیاتر، سینما و قول صنعتلرینی رواجلنتریش اوچون هم قطار یاشلرنی تیارلش مذکور فرهنگی لر عالی شوراسی فعالیتیگه کیره دی
جنرال عبدالرشید دوستم کابل ده گی ایریم فرهنگی لر و یاشلر بیلن بولگن اوچره شوویده، اوشبو فرهنگی حلقه سینی کوچلنتریش اوچون برچه بیلیمدان شخصیتلرنی بیرلشیشینی طلب ایتکن
جنرال دوستم: "بیزلر افغانستان ده شورای عالی نظامی شمال نی توزه تدیک، کوپ ییگیتلرنی یوقاتیب تیلیمیزنی رسمی قیلدیک، ایندی فرهنگی لر عالی شوراسینی توزه تیش دوری کیلگن. بو تیل نی کوچی و ظرفیتینی ثابت قیلیش کیره ک. اولادلریمیز آنه تیلیدن محروم بولمسلیکلری کیره ک." دیب ایتکن
معلوماتلرگه کوره، فرهنگی لر عالی شوراسی نینگ وکالتخانه لری میمنه، اندخوی، شبرغان و باشقه بیر نیچه شهرلرده تشکیل تاپکن. یقین کیله جکده قالگن شمالی ولایتلرده هم عملگه آشیب، کیینچه لیک پایتخت کابل ده عالی شورا تشکیل ایتیلیشی ایتیله دی. افغانستان ملی اسلامی جنبشی هر دایم حربی و سیاسی مسئله لرگه اعتبار قره تیب، فرهنگی فعالیتلرنی کوزدن توشیرگنلیگی باعث، تنقیدلنر ایدی. اوشبو فرهنگی لر عالی شوراسی تشکیل تاپیب، ایتیله یاتکن ریجه و پلانلر اساسیده ایش یوریتسه، بونینگ اوزی افغانستان تورکلری آره سیده ینگی بیر فرهنگی جنبش و فرهنگی انقلاب سنله دی
یازگن کیشی اوزبیک یازوچیلر