میر کلام امیر علی شیر نوایی حضرت لری نینگ 569 نچی توغیلگن کونی 2010 ده اروپا نینگ فرهنگ باشکینتی تنلنگن تورکیه نینگ استبول شهریده بیر قطار اوغانستانلیک اوقوچیلر تمانیدن نشانلندی

.اوشبو محفلده اوغانستانلیک اوقوچیلریدن تاشقری تورکیه ده تعلیم کوره یاتگن و ایری اولکه لردن کیلگن (قزاقستان، تورکمنستان، اوزبیکستان، مغولستان، کوریا، آذربای جان) اوقوچیلری وشونینگ دیک تورکیه ده یشه یاتگن کوچمن یورتداشلریمیز و استبول یونیورسیته سی فن و ادبیات فکولته سی شرق شناسلیک بولیمی اوقوتوچیلری هم قتنشگن ایدی.
محفل ایککی دولت ملی مارشلری نینگ قوییشی بیلن باشله دی . محفل نینگ باشله نیش نطقینی تورکیه نینگ حکومت داییره سیده بیر مدت وزیر بولگن احد اندیجان نجابلری بیان . اندیجا جنابلری میر کلام امیر علی شیر نوایی نینگ توغیلگن کونینی اوغانستانلیک اوقوچیلر تمانیدن نشالنگنب اوچون خرسندچیلیک بیلدیریب نوایی و نوایی ایجادیاتی حقیده سوز یوریتدی . نوایی نه تنها شاعر بلکه اوشه پبیت نینگ اینگ کوچلی دولت آدمی بولگنلیگینی اورغوله گن اندیجان جنابلری سیاست دنیاسیده هم بویوک ایشلرنی عملگه آشیرگن دیدی.
محفل جریانیده اوغانستانلیک اوقوچیلری تمانیدن حاضرلنگن نوایی حضرت لری نینگ ثمره لی حیاتی و اونینگ اثرلری حقیده بولگن ویدیو لوحه نمایشگه قوییلدی شونینگدیک ینه هم اوغانستان اوقوچیلریدین بولگن مصطفی کمال نواییگه عاید بولگن شعرنی اوقیدی. استنبول یونیورسیته سی فن و ادبیات بولیمی اوقوتوچیلری اوز نوبتی بیلن نوای نینگ حیاتی و اونینگ بجرگن ایشلری حقیده سیمینارگه قتنشگن مهمانلرگه معلومات بیردی. اوقوتوچیلر عموما نوایی نینگ اینگ مشهور کتابی بولگن محاکمه لغاتین حقیده سوز یوریتیب تورک تیلی نینگ اورته دن کییته یاتگن بیر پیتده نوایی ینه بیر مرتده تورک تیلی نینگ نی قدر کوچلی بولگنلیگینی مذکور کتاب نینگ یازیشی بیلن اثبات له دی دیلر .
محفل اخیریده تورکیه ده یاشلرجنبشی نینگ ریسی بولگن گلب الدین مرا دی یاشلر جنبشی نینگ معنوی آته سی حرمتیلی ستر جنرال عبدالرشید دوستم جنابلری نینگ پیامی نی اوقیدی. محفلده نه تنها نوایی حضرت لری نینگ حقیده سوز یوریتیلدی بلکه اوغانستان تورکلری نینگ ملی کلتور و فرهنگی نی انله تایاتگن اوغانستان ملی کییم لری هم نمایشگه قویلگن ایدی که محفلگه قتنشگن مهمانلر نمانیدن خرسندچیلیک بیلن قرشیلندی .محفل اوغانستان صنعتکارلری و اشوله چیلری نینگ اشوله لری و دنبوره نینگ سیسلنیشی بیلن نهایه سیگه ایتد.
پروگرام رسملری