نوایی
حضرتلری نینگ ۵۶۹ نچی توغیلگن کونی ییللیگی تورکیه-استانبول شهریده نشانلندی
اولوغ متفکر ، انسانلیک
یورتینینگ یولچیسی، سیاست مکتبی نینگ سیسلاوچیسی ،تورک تیل و ادبیات آجونینینگ
اینجوسی و سونگسیزگچه آتی تیریک قالیدیکان امیر، نظام
الدین امیر عــلـــــــی شـــیر نوایــــــــی نینگ توغیلگنی
نینگ ۵۶۹ نچی ییللـــگی تورکیه جمهوریتی نینگ مدنیت کینتی و عثمانلیک امپراتولیگی
نینگ باشکینتی استانبول ( ایسکی قسطنطنیه) ده افغانستانلیک تورک (اوزبیک ، ترکمن
و..) یوکسک اورگنیشلی اوقووچیلر تمانیدن بیوک جوش و شادلیک بیلن نشانلنیلدی.
امیرالکلام علیشیر نوایی ۱۴۴۱
میلادی ییلیده ۹ فبروری کونیده، پیت نینگ خراسانی و اوتمیش نینگ تورکستانی هرات
شهریده توغیلدی ،کیین نوایی حضرتلری تیمورلیکلــــر امپراتورلیگینینگ سلطان حسین
بای قـرا حکومتیده باش وزیر صفتیده منصوبلگندن سونگره ، هرات و شرق منطقه سینینگ
رنسانسی (اویغانیشی) شو پیتـــده یوزبیریب ، نوایی حضرتلرینینگ بو عرصه ده جوده
مهم روللری بارلیگی انیقـــدور. اولـــر اوز یوتوقلری بیلن هرات شهرنی شرق نینگ
رنسانسی ( اویغانیشی) گه اوزگرتیریب و اونگه بیوک فخرلر قــزاندیردیلر. نوایی
حضرتلرینینگ ۳۲ بهاسیز اثرلری ، ایجادلری و همدا ۳۶۰ دن آرتیق خیریه قوریشلر ;
مسجد، مدرسه، خانقاه، سرای، حمام و کوپریک هرات و بوتون تورکستان و خراسان یورتیده
قوریشگنرلر که بوکونگچه زمانوی اولوس میراثی سنیلایدی.
اوشبو محفل گه ترکیه جمهورتی
نینگ ایسکی وزیری و استانبول اوقو یورتی نینگ اورگتیش عضوی حرمتلی
پروفیسور دکتور عبدالاحد ( اندیجان)، استانبول والی
سینینگ اورن باسری، تورک دنیاسی نینگ اختاروچیسی حرمتلی
نعمان آیدوغان ( اونال) ، اوزبیک تیلی نینگ چاغداش شاعری حرمتلی
دکتور محمد ذالنون یونس ( اوچــمس) ، تورک تیل، تاریخ
و کلتور کینگاشی نینگ ریسی حرمتلی عمـــر ( عیان ) ،افغانستان
جمهوریتنینگ باش قونسولوسلیگی هیتی، اوزبیکستان و قرغزستان باش قونسولوسلیکلری هیتی،
افغانستان تورکلری اجتماعی و کلتوری اویوشمه سینینگ ریسی و اورن باسری و تورکیه
نینگ تورت تمانیدن اوقو یورتلرده اوقویادیکان افغانستانلیک ، آذربایجانلیک،
قزاقستانلیک، اوزبیکستانلیک، تورکمنستانلیک، قرغزستانلیک، بلغارستانلیک،
گرجستانلیک، کوزولیک، تاجکستانلیک، مغولستانلیک، شرقی تورکستانلیک(چین) و آفریقا
اولکه لریدن و باشقه دوست اولکه لردن حرمتلی بیلیم سیور اوقوچیلر قتنشه گن ایدیلر.
محفل نینگ ایلک سوزی نوایــــــی
حضرتلری نینگ سوزی بیلن یلقینلندی :
یولنی یمان یخشیسیدن یمه
غم
بسم الله دیگــــیل
قویگیل قدم
افغانستان اسلاملیک جمهوریتی و
تورکیه جمهوریتی نینگ ملی مارشلری ایشیتیلگندن سونگره ، اوشبو محفل نینگ آچیلش سوزی
استانبول دگی افغانستانلیک اوقوچیلرنینگ بیرلیک مسوولی
محمد عمر فاریابی تمانیدن مهمانلرگه بیان قیلیندی.
نوایی حضرتلری توغریسیده گی تانشلیک ویدیو کورسه تیلگندن سونگره حرمتلی پروفیسور
دکتور احد اندیجان اوز سوزلرینی بیان قیلیب ، نوایی حضرتلرینینگ حیاتی ، ایجادی و
بای میراثی حقیده بلاخصه اونینگ تورک تیلی و ادبیاتی گه قوشگن بیوک حصه لری ، تورک
تیلیگه ادبی بیر بیت بیرگن اثرلریگه و اوز زمانیدگی شاعرلرگه تورک تیلی نینگ اهمیتی
دن و بایلیگدن کورسه تگن فعالیتلری حقیده مفصلا مهمانلرگه بیلگی بیریب ، نوایی
حضرتلرینینگ سیاستده و ادبیاتده اوز زمانی نینگ تاپیلمایدیگان شخصیتلردن بولگنلیگنی
اورغولادیلر.
اوشبو جریانده نوایی حضرتلرینینگ
ییللیگی مناسبتی اوچون معاصر شاعریمیز حرمتلی دکتـــور اوچمس
( حضرت
امیـــــــر حضوریگه عـذر و
تقصیر) عنوانلی شعرلرینی دکلمه گه سالدیلر که بوتون محفل نینگ قووانچلیگی گه
سبب بولیب آلقیشلندی.
محفلگه قتنشگن کوریش ایگه لری
اوز سوزلرینی مرحله چه بیان قیلیب نوایی حضرتلرینینگ تیریکچیلیگینینگ اساسی
بعدلریگه بلاخصه اولرنینگ سیاست و تورکی تیللریگه کورساتگن فعالیتلرینی مقتب او
کیشینینگ ییریوزیده بوتون ملتلرگه تیگیشلی بولگنرینی عیان قیلدیلر.
محفل افغانستان تورک اولوسی نینگ
عرف و عادات کورگزمه سی ، افغانستان تورک موسیقاسی نینگ نمایشی ، نوایی حضرتلری
اثرلریدن شعر اوقینشی ، قوتلوغ پیاملری ،حبیب الشعرا حبیب الله همنوا چغتایی
جنابلرینینگ پیامی و شعری ، استانبول ایلچه بلدیه سینینگ پیامی و نوایی حضرتلرینینگ
غزل ویدیوسی بیلن سونگ تاپــدی.
حرمتلر بیلن !