عبدالرشید دوستم ؛سرپل ولایتی نینگ یشاوچی لری بیلن اوچره شدی
اوغانستان قوراللی کوچلر اعلی باش قوماندانلیگی نینگ ارکان رییسی سرپل ولایتی نینگ یشاوچی لری بیلن اوچره شدی .
اوغانستان قوراللی کوچلر اعلی باش قوماندانلیگی نینگ ارکان رییسی وملی اسلامی جنبش حزبی نینگ رهبرواساسچی سی سترجنرال عبدالرشیددوستم سرپل ولایتی نینگ بیرقطارقوم بویوکلری آق سقال لر و ملت وکیل لری بیلن شبرغان شهریده اوچره شدی.
انه شومناسبت بیلن جنبش مهمانخانه سیده اویوشتیریلگن ییغین ده جنرال عبدالرشیددوستم اوغانستان جمهورریسی حامدکرزی سلام لرینی حاضرکیشی لرگه حواله ایتدی و اوندن سرپل ولایتی یشاوچی لری نینگ جهادو ومقاومت زمانیده عملگه آشیرگن کوره ش لریدن یخشی صورتده ایسلب اولرنی بیرلیک وبیردملیکه چقیردی.
اوغانستان ملی اسلامی جنبش حزبی نینگ رهبرواساسچی سی سترجنرال عبدالرشیددوستم بو حزب فعالیت لری توغری سیده سوز یوریتیب اوز سوزلری دوامیده جنبش حزبی نینگ یاولری هرزمان اوز بوزمه کارلیک فعالیت لرینی ایلگری سوره یاتگن لری اوستیده توخته لیب و جنبش حزبی نینگ برچه اعضاوطرفدارلری دن حزب پایه لری تاباره مستحکم لنیشی خصوصیده هارمسدن کوره شیش لرینی سوره دی .
اوندن کیین ییغین ده قتنه شگن لردن نیچه کیشی سوزگه چیقیب اوغانستان ملی اسلامی جنبش حزبی نینگ رهبرواساسی سترجنرال عبدالرشیددوستم نی شبرغان شهریده خوش کیلدینگیزدیب ، رهبرو حزب لری نینگ آرزو وآرمانلرینی عملگه آشیریش ده تیاربولگن لرینی اعلان قیلدیلر.
بو ییغین ده نماینده لرکینگاشی ده سرپل خلقی نینگ وکیلی سیدانورسادات اوغانستان ملی اسلامی جنبش حزبی سرپل ولایت کینگاشی نینگ باشلیغ واعضالری ، ولایت محلی رسمی لری، اوغانستان ملی اسلامی جنبش حزبی مصلحت بیریش کمیسونی نینگ رسمی لری، آق سقال لر و یاشلر حضور تاپگن ایدیلر.
ییغین اولکه میز اوغانستان ده دایمی تینچلیک وآسایشته لیک تامین ایتیلیشی آرزوسی بیلن اوز اداغیگه ایریشدی.
نوراحمدیورتداش آیینه تلویزیونی کابل