جنبش حزبی نینګ یولاوچی سی اوز سفری آقیمیده فاریاب ولایتی ګه سفرایتدی

اوغانستان قوراللی کوچلر عالی باش قوماندانلیگی نینگ ارکان ریسی وملی اسلامی جنبش حزبی نینگ رهبرواساسچی سی سترجنرال عبدالرشیددوستم فاریاب ولایتی گه بولگن سفریده اندخوی تورته له اولوسوالیگی یشاوچی لری تمانیدن قیزغین کوتیب آلیندی.

جنرال عبدالرشیددوستم نی اندخوی اولوس وال لری، دین عالم لری آق سقال لری ویاشلرقیزغین صورتده کوتیب آلگن لر.

سترجنرال عبدالرشیددوستم ویولداش لری بیرینچی دن رحمتلی خلیفه قربان حاتمیٰ وفاتی، خواجه مراد بای خانمی نینگ وفاتی حاجی اولیاقل وفاتی، صادق معاون آنه سی نینگ وفاتی و نماینده لرکینگاشی نینگ وقتینچه لیک عضوی شاکرکارگرآنه سی نینگ وفاتی مناسبتلری بیلن فاتحه اوقیش مراسم لرگه قتنه شیب اولوغ تینگری تعالی درباریدن وفات ایتگن لرگه جنت فردوس ، قوم قرینداش لری و عایله اعضالریگه صبر و چیدم آرزو ایتدیلر.

اوغانستان ملی اسلامی جنبش حزبی نینگ رهبرواساسچی سی سترجنرال عبدالرشیددوستم اوغانستان خلقی یاولری نینگ بوزمه کارلیک فعالیت لری باره سیده سوزیورتیب بوکبی یمان فعالیت لرنی بجره دیگن لرجزالنتیریلیشی دن سوزبیردی.

ایتیش کیرک که سترجنرال عبدالرشیددوستم نینگ بو سفریگه جوزجان ولایت کینگاشی نینگ باشلیغی مولوی عبدالحی حیات، فاریاب ولایت کینگاشی نینگ باشلیغی رحمت الله تورکستانی، نماینده لرکینگاشی ده جوزجان خلقی نینگ وکیلی داکترعنایت الله بابر فرهمند، فاریاب خلقی نینگ وکیل لری داکتر نقیب الله فایق و بشیراحمد ته ینچ، سرپل خلقی نینگ وکیلی سیدانور سادات، اوغانستان یاشلرجنبشی اورته کینگاشی نینگ باشلیغی مسعوداحمد مسعود، جهادی و اجتماعی شخصیت لر یولداش لیک ایتگنلر.

اوغانستان ملی اسلامی جنبش حزبی نینگ رهبرواساسچی سی سترجنرال عبدالرشیددوستم اندخوی اولوسوالیگی نینگ یشاوچی لری بیلن بولگن اوچره شولریدن سونگ چهارشنبه کونی توشدن کیین شبرغان شهریگه کیتگن دیر.
 

نوراحمدیورتداش آیینه تلویزیونی کابل