افغانستان تورک لری هلی هم اویقوده!!!

اوزبیگ وبلاگچیلر جریده سی ده کیریب جوده هم اچینر لی بیر خبر دی اوقیب قالدیم. خبر گه گوره جوزجان نینگ مرکزی بولگن شبرغان شهریده گی اوچ بویوک تورت یولده اوچ بویوک شخصیت نینگ آتی قوییلگن! اما یوزده توقسان حتی که کوپراغ تورک یشه دیگان بیر ولایت ده ، بیرته هم تورک ضیالی لری نینگ آتلری ایمس بلکه احمد شاه ابدالی، میرویس هوتک و وزیر محمد اکبر خان لر دی آتی قوییلگن. ظهیرالدین محمد بابر، نادره بیگیم، امیر علی شیر نوایی، مخدوم قلی فراغی، میرزا اولوغ بیگ، شاهرخ میرزا، محمود کاشغرلی و ینه یوزلر و حتی مینگ لرچه اوزمیز نینگ دنیا بوییچه تانیلگن ضیالی کیشیلریمیز بولگنده نیگه بیزگه نیکه و بابا یرتیش لری کیرگ؟ اگر بوگونگی اولاد گه افغانستان نینگ کوزی بولیمی ده خدمت قیلگن دی کوزگه توتگن بولسک بو جاده لر، ملتیمیز نینگ قهرمانی بولگن عبدالرشید دوستم نینگ آتلری گه مسما بولیشی کیرگ ایدی.

بو نی ایسه ملت وکیلی بولگن و خلقیمیز تمانیدن سیچیلگن و اولرنینگ حقلری اوچون یوگوره من دیب سوز بیرگن بیر تورک سویلی وطنداشیمیز امضا قیلگن! شو ملت وکیل بولگن جنابلری اوزی دن سوره گن می که بو ریجه لر و برنامه لرنینگ آرقه سی ده نیمه لر بولیبتی و ینه نیمه لر بولیشی ممکن؟ آنه یورت و ایرکین لیگ اوچون یوز مینگ لر چه ییگیت نینگ توکیلگن قانی انلم سیز و معنا سیز می بولدی؟ بوله یاتگن ایشلر گه کیم لر عیب دار؟

کمچیلیگ نی بیرینچی دن اوزیمیز گه آختریشیمیز کیرگ. بیز ییل لرچه حقیمیز نی ایسته گن میزو هلی بیر توشونجه کیلیب بویوک کیله جک اوچون کته بیر کوچ بولمه گنمیز. تانیلگن سوز بار که ، تورک نی تورک تن باشقه سی اورالمیدی. بو سوز جوده هم توغری. بوگون گه چه کوکسیمیز گه قنچه اوق اورولگن بولسه اوزیمیز دی ایچیمیز دن چیغگن لردی قولی دن بولگن. هر زمان بیزلردی بیر بیریمیز گه قرشی قوللنگن لر. اگر اوزبیگ ، ترکمن، قزاق ، قیرغیز... اوز اره لری گه بوزولمه گن ده و اگر جنبش اوز ایچیگه اختلاف تاپمه گنده بوگون اوزگه لرنی جسارتی بولمس ایدی که اوز یورتیمیز ده بیزنی حقلریمیزنی ایاغ آستی قیلسین لر. بیش ییل دن کیین و اون ییل دن کیین ینه نیمه لر باشیمیز گه کیله دی ، توشونیش کیرگ. اویغانیش کیرگ. زمان آقر سو، قیتیب کیلمیدی. کیین اوزیمیزنی ساوونماغ اوچون و ملامتلیک لردن قاچیش اوچون سبب و نیدن آخترماغ دی هیچ بیر فایده سی یوق. اگر ملت میز نینگ دردی گه یره دیگان بولسک شو آن دن و شو پیت دن باشلشیمیز کیرگ.

فرشته ضیایی(بیگم)